'Hupe Sali hupe', Spiropali: Pas 2 vitesh të vish në Shkodrën e zgjuar nga letargjia

Ministrja për Marrëdhëniet me Parlamentin, Elisa Spiropali teksa ka folur në Kuvend sot për çështjen e rritjes së pagave, i është rikthyer edhe njëhërë diskutimeve mbi rezltuatin e zgjedhjeve të 14 majit.

“Hupe Sali, hupe”, kështu i është drejtuar Spiropalo ish-kryeministrit Sali Berisha, duke i përmendur të gjithë bashkitë që sipas saj e kanë “braktisur”.

Ministrja i ka bërë ftesë Berishës që të takohen në Shkodër pas 24 muajsh, së bashku me kryesocialistin Rama dhe kryetarin e zgjedhur të Bashkisë Shkodër, Benet Becin.

Ajo është shprehur se ky takim nuk është sfidë, por një ftesë që sipas saj, Berisha do të shikojë se si Shkodra është zgjuar nga gjumi letargjik, në të cilin qeveria e PD e kishte lënë për 3 dekada.

“Si kurrë më parë, i kthyer në krye të një projekti personal, Berisha e udhëhoqi partinë e tij në një humbje. Hupe Sali, hupe. Shqiptarët të refuzuan nga veriu në jug. Të rrëzoi Shkodra, të braktisi Tropoja dhe nuk i dha nam nishanit tënd të humbur Gjirokastra, Vau i Dejës, Lezha, Malësia e Madhe. Kishte vetëm një rrugë që të kishte mbetur. Ti thirre në apel vesin tënd të vjetër. Kjo është humbja jote personale sepse të bën të derdhësh mend në Zall të Hirit. Shkodrën dhe shkodranët i fyeve për herë të fundit.

Ti je njeriu që ke mbajtur peng Shkodrën për ambicien tënde. Ne, kjo qeveri, PS, Edi Rama si kryetar partie, Benet Beci, si kryetar bashkie, unë si drejtuese politike e qarkut Shkodër të lëmë një takim. Nuk është sfidë, por ftesë. Jo pas 4 vitesh, por vetëm pas 24 muajsh të vish në Shkodër dhe ta shohësh Zojën Shkodër të zgjuar nga letargjia, ku padija e qeverisjes tuaj e kanë lënë për 3 dekada. Nxito të vish sepse pas 4 vitesh nuk do ta njohësh Shkodrën nëse nuk je bërë non grata nga njerëzit që i ke mpirë me përrallën e komunizmit, ti komunisti i fundit shqiptar.

As Muli dhe as Paloka nuk të besojnë, por të ndjekin sepse nuk kanë çfarë të bëjnë dhe të thonë. 22 mijë vota më pak në Shkodër nga Dukagjini në Velipojë, nuk ka krim dhe bandit që i kërcënon. Hupe Sali, hupe por ti nuk ke marre. Ti je vetë ku thërret qameti sot”, tha Spiropali.