Gjykata Kushtetuese ka marrë sot në shqyrtim padinë e 28 deputetëve të Partisë Demorkatike të cilët kërkojnë shfuqizimin e marrëveshjes për Portin e Durrësit.
Padia është bërë më nëntor të 2022-shit dhe është cilësuar nga opozita si e papajtueshme me Kushtetutën. Sipas tyre projekti për Portin e ri të Durrësit është një nga aferat më të mëdha korruptive dhe grabitje të pasurisë publike për interesa të pushtetarëve.
Seanca është zhvilluar me dyer të mbyllura dhe asnjë prej palëve nuk kanë qënë të pranishëm pasi shqyrimi është bërë fillimisht vetëm mbi bazë dokumentash dhe aktesh të depozituara për çështjen.
Më 9 tetor të 2022-shit, Kuvendi votoi futjen me procedurë të përshpejtutuar të projektligjit dhe më 24 nëntor, pas një seance maratonë u votua me 74 vota pro dhe 35 kundër. Kushtetuesja do të marrë nesër në shqyrtim edhe padinë e bërë nga Partia Demokratike për parkun e Butrintit.
