Kreu i Agjencisë Ndërkombëtare të Energjisë Atomike (IAEA), Rafael Grossi ka planifikuar të vizitojë nesër Rusinë për bisedime lidhur me centralin bërthamor ukrainas në Zaporizhia, i cili aktualisht kontrollohet nga trupat ruse.
“Një takim midis Grossi dhe Alexei Likhachev, kreut të agjencisë bërthamore të Moskës Rosatom, është planifikuar në rajonin e Detit Baltik të Kaliningradit”, njoftoi sot zëvendësministri i Jashtëm Sergei Ryabkov.
IAEA nuk e ka konfirmuar ende pjesëmarrjen në takim.
Grossi vizitoi centralin në rajonin e rrezikuar të Zaporizhias, javën e kaluar pas shkatërrimit të digës Kakhovka.
Ai e cilësoi situatën të rëndë, por të qëndrueshme.
Centrali më i madh bërthamor në Evropë furnizohej me ujin e tij ftohës nga rezervuari Kakhovka, i cili është zbrazur pas shkatërrimit të digës.
Uji i freskët nevojitet për të ftohur reaktorët e çmontuar dhe mbetjet bërthamore.
IAEA-ja tha se ka ende rezerva të mjaftueshme uji në rezervuarët ftohës.
Megjithatë, IAEA-ja dhe organizatat e tjera janë të shqetësuara për sigurinë dhe qëndrueshmërinë e kësaj zgjidhjeje të përkohshme në funksion të luftës.
Rusia ka refuzuar kërkesat e Ukrainës për dorëzimin e centralit.
