Një 55-vjeçar është arrestuar nga policia, pasi kishte ndërtuar pa leje objektin 2-katësh në plazhin e Tales.
Sipas informacioneve zyrtare, objekti ishte ndërtuar për akomodimin e pushuesve por pa lejen e organeve kompetente.
Për këtë arsye është arrestuar shtetasi N.GJ. i cili akuzohet për veprën penale “Ndërtim i paligjshëm”.
“Në plazhin e Tales, është konstatuar një objekt dykatësh, me dhoma për akomodimin e pushuesve, në pronësi të shtetasit N. Gj., objekt i ndërtuar pa lejen e organeve kompetente.
Në vijim të veprimeve procedurale për këtë rast, u vu në pranga shtetasi N. Gj., 55 vjeç, banues në Tale, Lezhë, për veprën penale “Ndërtimi i paligjshëm”.
Kontrollet dhe verifikimet për konstatimin e ndërtimeve pa leje dhe veprave të tjera penale kundër mjedisit, vijojnë”, tha policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme./
