Një parcele me bimë mjekësore Levando në Gramsh i është vënë zjarri. Flakët janë përhapur me shpejtësi, ndërsa zjarrfikësit kanë ndërhyrë për të bërë të mundur shuarjen e flakëve.
Dyshohet se zjarri është vënë qëllimisht në parcelat e mbjella në fshatin Tunjë, në Gramsh. Por fatmirësisht zjarrfikësit kanë arritur të bëjnë të mundur izolimin e flakëve, duke shpëtuar mbi 2 hektarë të mbjellë me Levando.
Nga zjarri u shkrumbuan rreth një dynym bimë mjekësore. Sakaq kjo bimë për banorët e zonës është e vetmja e ardhur ekonomike, për familjet.
