Presidenti Erdoğan mbërriti në New York për Asamblenë e Përgjithshme të OKB-së

Presidenti turk Recep Tayyip ErdoÄŸan mbërriti në New York të shtunën për të marrë pjesë në takimet e nivelit të lartë të sesionit të 78-të të Asamblesë së Përgjithshme të OKB-së, raporton Anadolu.

Udhëheqësi turk u prit në aeroportin ndërkombëtar “John F. Kennedy” nga i dërguari i Türkiyes në OKB Sedat Önal, ambasadori në SHBA Hasan Murat Mercan dhe Konsullja e Përgjithshme e New Yorkut Reyhan Özgür.

Ai shoqërohej, ndër të tjerë, nga Zonja e Parë Emine ErdoÄŸan, ministri i Jashtëm Hakan Fidan, ministri i Financave Mehmet ÅžimÅŸek, ministri i Energjisë Alpaslan Bayraktar, ministri i Tregtisë Ömer Bolat dhe kreu i Agjencisë Kombëtare të Inteligjencës Ibrahim Kalın.

ErdoÄŸan është planifikuar të flasë në sesion të martën.

Gjatë fjalës së tij, ai pritet të nënvizojë hapat që ka ndërmarrë Türkiye, nga zhvillimi te ndihma humanitare, si dhe kontributet e saj në ruajtjen e paqes dhe sigurisë ndërkombëtare duke rivendosur solidaritetin global.

“Ne do të theksojmë gjithashtu rolin kritik që luan Türkiye përballë sfidave aktuale globale”, u tha ErdoÄŸan gazetarëve përpara se të nisej nga Istanbuli.

Ai do të zhvillojë gjithashtu takime me Sekretarin e Përgjithshëm të OKB-së Antonio Guterres dhe homologët e tij në margjinat e Asamblesë së Përgjithshme.

Për më tepër, ErdoÄŸan do të takohet me anëtarët e komunitetit turko-amerikan dhe komuniteteve të lidhura me të dhe do të përfshihet në diskutime me përfaqësues të organizatave kërkimore dhe drejtues të bizneseve në SHBA.

Debati i këtij viti në OKB pritet të mbledhë më shumë se 150 krerë shtetesh dhe qeverish.

Aktivitetet e planifikuara të ErdoÄŸanit do të vazhdojnë deri të mërkurën.