Elton Tahiri dyshohet se quhet 48-vjeçari që është gjetur i pajetë në afërsi të përroit të Limuthit, në Bërxullë mëngjesin e sotëm.
Dyshohet se viktima ishte përdorues i lëndëve narkotike, konkretisht heroinës dhe kjo mund ti ketë marrë jetën.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
Njoftimi i policisë:
Tiranë/Informacion paraprak
Më datë 13.02.2023, në afërsi të përroit të Limuthit, në Bërxullë, është gjetur një kufomë e seksit mashkull.
Nga veprimet e para hetimore të kryera, në xhepin e rrobave të viktimës, është gjetur një dokument identifikimi me gjeneralitetet E. T., 48 vjeç.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
