Dy raste të largimit nga banesa janë raportuar në polici. Sipas njoftimeve zyrtare, mësohet se një 82-vjeçar ka denoncuar zhdukjen e djalit të tij me probleme të shëndetit mendor.
Gjithashtu, një grua ka denoncuar se është larguar nga banesa bashkëshorti i saj, 49 vjeç, dhe nuk është kthyer më. Ai vuante nga probleme mendore.
Ndërsa një 33-vjeçar është proceduar penalisht pasi dyshohet se ka ngacmuar seksualisht, me fjalë, një shtetase të mitur.
Njoftimet e policisë:
Në Komisariatin e Policisë Nr. 2 është paraqitur dhe ka bërë kallëzim shtetasi B. Sh. (M)., 82 vjeç, se është larguar nga banesa djali i tij, shtetasi P. Sh., 41 vjeç, dhe nuk është kthyer më. Sipas deklarimeve të shtetasit B. Sh. (M)., 41-vjeçari vuan nga probleme të shëndetit mendor. Punohet për gjetjen e tij.
Në Komisariatin e Policisë Kavajë është paraqitur dhe ka bërë kallëzim shtetasja M. M., 48 vjeçe, se është larguar nga banesa bashkëshorti i saj, shtetasi F. M., 49 vjeç, dhe nuk është kthyer më. Sipas deklarimeve të shtetases M. M., 49-vjeçari vuan nga probleme të shëndetit mendor. Punohet për gjetjen e tij.
