Të paktën 31 palestinezë janë vrarë në sulmet ajrore izraelite gjatë natës në zonat në gjithë Rripin e Gazës, ndërsa sulmet shkatërruese po hyjnë në ditën e 88-të.
Agjencia zyrtare palestineze e lajmeve Wafa tha sot se një seri sulmesh ajrore izraelite në zonat e banuara në qytetin Deir al-Balah, në pjesën qendrore të Rripit të Gazës, vranë 22 civilë palestinezë, shumica prej tyre gra dhe fëmijë.
Një tjetër sulm ajror izraelit në kampin e refugjatëve Nuseirat, po ashtu në pjesën qendrore të Rripit të Gazës, ka shkaktuar viktima në mesin e civilëve.
Sulmet e tjera ajrore izraelite në zonat në qytetin Khan Younis, në jug të enklavës së rrethuar, kanë vrarë të paktën nëntë palestinezë.
Izraeli ka sulmuar Rripin e Gazës që nga operacioni ndërkufitar nga grupi palestinez Hamas më 7 tetor, duke vrarë afro 22.000 palestinezë, kryesisht gra dhe fëmijë, dhe duke plagosur më shumë se 57.000 të tjerë, sipas autoriteteve lokale shëndetësore.
Rreth 1.200 izraelitë besohet se janë vrarë sipas shifrave zyrtare.
Deri në 1,9 milionë njerëz, ose mbi 85 për qind e popullsisë, janë zhvendosur në gjithë Rripin e Gazës, sipas agjencisë së OKB-së për refugjatët palestinezë./aa
