MIT-i turk neutralizon në Irak një nga përgjegjësit e organizatës terroriste PKK

Agjencia Kombëtare e Inteligjencës e Türkiyes (MIT), në periferi të qytetit Suleymaniyah në veri të Irakut neutralizoi Abdulmutalip Doğruci, një nga trafikantët e drogës të organizatës terroriste PKK.

Sipas informacionit të marrë nga burime të sigurisë, MIT-i konstatoi se Abdulmutalip Doğruci, i koduar si Cesur Vedat, një nga të ashtuquajturit personat përgjegjës të organizatës terroriste PKK, organizonte tregtinë e drogës të organizatës në Türkiye.

MIT-i përcaktoi se Doğruci ishte caktuar posaçërisht nga organizata terroriste PKK për të organizuar dhe mbikëqyrur aktivitetet e trafikut të drogës në periferinë e Suleymaniyahs.

Thuhet se terroristi ishte gjykuar më parë në Istanbul për “tregti droge dhe plaçkitje të rëndë” dhe se ai u zhvendos në Irak në vitin 2017 dhe filloi të operonte në zonat rurale./aa