Mbretëresha e Danimarkës Margrethe II do të ruajë titullin e saj pasi të abdikojë më 14 janar, konfirmoi pallati mbretëror.
Margrethe II tha se do të japë dorëheqjen si regjente e Danimarkës në një njoftim të paparashikuar në fjalimin e saj të Vitit të Ri drejtuar kombit. Ajo është aktualisht monarkia më jetëgjatë në Evropë, pasi ajo ka shërbyer për 52 vjet.
Pas 14 janarit, Danimarka do të ketë dy mbretëresha pas trashëgimisë, Mbretëreshën Margrethe II dhe Mbretëreshën Mary.
Margrethe II u ngjit në fron në 1972 pas vdekjes së babait të saj, mbretit Frederik IX. Në disa raste, mbretëreshave të veja në Danimarkë u është dhënë titulli enkedronning, që në përkthim i bie "mbretëresha e ve".
Princi i kurorës Frederik, 55 vjeç, do të marrë fronin si Mbreti Frederik X. Po ashtu është konfirmuar se nuk do të ketë kurorëzim zyrtar. Ai do të shpallet mbret në një mbledhje të kabinetit të nivelit të lartë pasi nëna e tij të abdikojë zyrtarisht.
Kryeministrja Mette Frederiksen do të prezantojë monarkun e ri nga ballkoni./aa
