Në qytetin e Durrësit është drejt përfundimit gjimnazi “Naim Frashëri”.
Kryeministri Edi Rama ndau sot në rrjetet sociale momente nga puna për rindërtimin e këtij gjimnazi.
Rama theksoi se gjimnazi “Naim Frashëri”, po rindërtohet me standardet më të mira bashkëkohore për 750 nxënës dhe mësues.
Ndërkohë, kryeministri informoi se me buxhetin e vitit 2024 përfundojnë investimet në 30 shkolla dhe hapen kantiere të reja në institucionet arsimore nga veriu në jug.
Shkolla e Mesme “Naim Frashëri” u dëmtua nga tërmeti i 26 nëntorit 2019, ajo u shemb në nëntor të 2021 dhe së shpejti pritet të përfundojë rindërtimi i saj./ata
