Kryeministri i Hungarisë, Victor Orban, ka bërë të ditur se vendi i tij ka ftuar Suedinë për të negociuar për aplikimin e Stokholmit për t’u anëtarësuar në NATO.
“Sot i dërgova një ftesë kryeministrit suedez, Ulf Kristersson, për një vizitë në Hungari për të negociuar anëtarësimin e Suedisë në NATO”, shkroi Orban në platformën sociale X.
Suedia dhe Finlanda aplikuan për anëtarësim në NATO në maj të vitit 2022, duke braktisur politikat e tyre të vjetra të mos angazhimit, një vendim i shkaktuar nga lufta e Rusisë kundër Ukrainës që filloi në shkurt të po të njëjtit vit.
Finlanda, e cila ndan një kufi prej 1.340 kilometrash me Rusinë, u bë anëtare e NATO-s më 4 prill të vitit 2023, duke e çuar numrin e vendeve anëtare të aleancës në 31.
Megjithatë, anëtarësimi i Suedisë ende është në pritje të ratifikimit nga vendet anëtare si Türkiye dhe Hungaria.
Zyrtarët turq kanë theksuar në mënyrë të përsëritur se u takon ligjvënësve turq të vendosin për ratifikimin ose jo të pranimit të Suedisë në NATO./aa
