Guvernatori i qytetit të dytë më të madh të Rusisë, Shën Petersburg, tha të mërkurën se incidenti ndodhi në një zonë industriale në qarkun Nevsky të qytetit.
"Gjatë natës, banorët e qarkut pranë autostradës Glukhoozerskoye dëgjuan një zhurmë të fortë. Incidenti ndodhi në një zonë industriale në qarkun e Nevsky-t që kërkoi vëmendjen e agjencive të zbatimit të ligjit", tha Alexander Beglov në Telegram.
Askush nuk u lëndua dhe nuk u shkaktuan dëme të mëdha materiale, tha Beglov duke shtuar se hetimet për incidentin janë duke u zhvilluar. "Administrata e qytetit punon në bashkëpunim me agjencitë e zbatimit të ligjit", tha ai.
Duke cituar burime të paidentifikuara nga shërbimet speciale të Ukrainës, agjencia e lajmeve RBC-Ukraine pretendon se shërbimi i inteligjencës së vendit qëndron pas dronit që u rrëzua në zonën e rafinerisë së naftës Nevsky.
Zyrtarët ukrainas ende nuk kanë konfirmuar zyrtarisht ndonjë përfshirje në incident.
Rusia dhe Ukraina kanë shkëmbyer akuza të ndërsjella për sulmet ajrore që janë intensifikuar që nga fundi i dhjetorit./aa
