Kërcënime të rreme me bombë janë bërë sot kundër ambasadave amerikane, izraelite dhe egjiptiane në kryeqytetin grek Athinë.

Një person i panjohur telefonoi televizionin privat SKAI në orën 10:45 dhe tha se bombë është vendosur në ambasadën amerikane, sipas transmetuesit publik ERT.

Kjo u pasua nga një telefonatë në stacionin televiziv KONTRA për një bombë në Ambasadën e Izraelit, një tjetër në OPEN për Ambasadën e Egjiptit dhe një tjetër në TV Parlamenti për ndërtesën e Parlamentit. Në të katër telefonatat u tha se bombat do të shpërthenin në orën 11:30.

Policia dhe skuadrat për asgjësimin e bombave janë vendosur me shpejtësi në vendet e ngjarjeve./aa