Partia Demokratike përmes një deklarate u shpreh sot se asnjë funksionar i saj nuk ka asnjë negociatë as sekrete as publike me Sali Berishën apo vartësit e tij.
Në reagim të disa artikujve në media, PD mohon të ketë negociata me Rithemelimin.
“Ata që bënë negociata për karrige po spinojnë një gënjeshtër të trashë. PD e ka të përcaktuar rrugën e saj publikisht në Kuvendin e dhjetorit 2021”, thuhet në deklaratë duke iu referuar pjesës së deputetëve që iu bashkuan së fundmi Rithemelimit duke marrë edhe poste drejtuese në këtë grupim.
“Dera e PD është e hapur për çdo demokrat që kërkon të sjellë ndryshimin në vend.
Për ne mbështetja për drejtësine, aleanca me SHBA, Britaninë e Madhe dhe BE, janë të panegociueshme”, përfundon deklarata e Partisë Demokratike./ata
