Në kuadër të mbrojtjes biologjike, filloi lëshimi në terren i parazitit të grerëzës aziatike në masivin e gështenjave të Tropojës
Ministria e Bujqësisë dhe Zhvillimit Rural në bashkëpunim me FAO, si pjesë e programit të FAO-s “Një vend, një produkt prioritar” (OCOP), synon të stimulojë rritjen ekonomike për zonën e Tropojës duke u fokusuar tek gështenja si një produkt prioritar me potenciale të larta eksporti.
Si pjesë e programit të kontrollit biologjik të dëmtuesit të gështenjës, pas një pune më pak se njëvjeçare, me mbështetjen financiare të FAO-s dhe Qeverisë së Mbretërisë së Bashkuar, filloi lëshimi në terren i parazitit të grerëzës aziatike në masivin e gështenjave të Tropojës.
Insektet po prodhohen në laboratorin e ngritur në Tropojë dhe parashikohet që të lëshohen në 21 pika lëshimi nga zona e Markajve deri në Nikaj-Mërtur. Me mbështetjen FAO dhe Bashkisë parashikohet që ky proces të zgjasë për disa vite në vazhdim.
Mbrojtja e gështenjës nga grerëza galëformuese është direktivë e Komitetit Europian që detyron çdo vend të marrë masat mbrojtëse kundër grerëzës së gështenjës./ata
