Një civil izraelit u vra dhe pesë ushtarë u plagosën sot në një sulm me raketa të komanduara antitank nga Hezbollahu në zonën Adamit të rajonit të Galilesë Perëndimore, në veri të Izraelit.
“Një ushtar u plagos mesatarisht dhe katër të tjerë u plagosën lehtë në sulm”, raportoi The Times of Israel, duke cituar një deklaratë ushtarake.
“Një civil izraelit pranë trupave u plagos gjithashtu dhe vdekja e tij u deklarua pak më vonë”, njoftohet më tej.
E përditshmja tha se ushtria “goditi ndërtesat e përdorura nga Hezbollahu në Ayta ash-Shab dhe Kafr Kila të Libanit jugor në përgjigje të sulmit”.
Nga ana tjetër, Hezbollahu tha se sot pasdite shënjestroi “me armatim të duhur” ndërtesa të përdorura nga ushtarët izraelitë në vendbanimin Avivim në Galilenë e Epërme në Izraelin verior./aa
