Ushtria izraelite njoftoi se pesë ushtarë të tjerë u vranë në luftimet në pjesën veriore të Rripit të Gazës.
Në një deklaratë, ushtria izraelite tha se shtatë të tjerë u plagosën gjithashtu, duke përfshirë tre në gjendje të rëndë. Të gjithë i përkisnin Batalionit 202 të Brigadës së Parashutistëve.
"Times of Israel" citoi një deklaratë ushtarake që pretendonte se incidenti ishte shkaktuar nga "zjarri miqësor" nga një tank dhe se ky rast i nënshtrohet hetimeve të mëtejshme.
Vdekjet e çojnë numrin e ushtarëve izraelitë të vrarë që nga fillimi i sulmit në Rripin e Gazës në 626.
Izraeli ka vrarë më shumë se 35.100 palestinezë që nga ofensiva ndërkufitare e Hamasit më 7 tetor 2023, ku sipas Tel Avivit u vranë 1.200 persona.
Teksa konflikti ka shkatërruar pjesën më të madhe të enklavës së bllokuar, ai gjithashtu ka çuar në zhvendosje të brendshme dhe mungesë të madhe të ushqimit dhe gjërave të tjera thelbësore, duke përfshirë karburantin dhe ilaçet./aa
