Udhëheqësit e G7 janë mbledhur sot në Itali për një samit treditor të dominuar nga luftërat në Ukrainë dhe Gaza, përveç tensioneve në rritje të tregtisë dhe sigurisë me Kinën.
Presidenti ukrainas, Volodymyr Zelensky është i ftuar të marrë pjesë në mbledhjen e Grupit të të Shtatëve, i cili fillon sot në resortin luksoz të Borgo Egnazias, në juglindje të qytetit të Barit, në rajonin e Pulias të Italisë jugore.
Ky mund të jetë samiti i fundit i G7 i Joe Biden, që vjen pesë muaj përpara se ai të përballet me paraardhësin e tij dhe rivalin republikan të krahut të djathtë Donald Trump në një garë të tensionuar presidenciale në SHBA.
Udhëheqësit evropianë janë gjithashtu nën presionin e brendshëm politik.
Presidenti francez Emmanuel Macron dhe kancelari gjerman Olaf Scholz do të mbërrijnë në Itali, pasi partitë e ekstremit të djathtë arritën fitime të mëdha në zgjedhjet e Parlamentit Evropian të fundjavës së kaluar, duke ngritur pikëpyetje rreth mjediseve politike të vendeve të tyre.
Dhe, pas 14 vitesh qeverisje konservatore në Britani, kryeministri Rishi Sunak pritet të pësojë një disfatë ndaj Partisë Laburiste të opozitës në zgjedhjet e përgjithshme të 4 korrikut.
Ukraina do të jetë në krye të agjendës së takimit të demokracive të përparuara të industrializuara të botës, BM, Kanadasë, Francës, Gjermanisë, Italisë, Japonisë dhe SHBA.
Merr pjesë edhe Bashkimi Evropian.
Kievi mund të presë të marrë një paketë të re të madhe ndihme nga G7 për mbrojtjen e tij kundër Rusisë.
Udhëheqësit do të bien dakord për të financuar një kredi prej 50 miliardë dollarësh për Ukrainën, me interes nga asetet e ngrira të shtetit ruse.
Pjesa më e madhe e aseteve të ngrira – rreth 210 miliardë euro – është brenda Bashkimit Evropian.
Paratë ruse gjenerojnë miliarda të ardhura nga interesi çdo vit./ata
