Deputetja e Partisë Demokratike, Jorida Tabaku e ftuar në emisionin Interview, në Euronews Albania komentoi zhvillimet e fundit në Partinë Demokratike dhe krizën e gjatë brenda të djathtës.
Tabakut pranoi se PD po kalon vërtetë një moment jo të lehtë, për shkak të pamundësisë për të dhënë shpresë apo për të kaluar nga një cikël në tjetrin, por u shpreh optimiste se do të arrijë të gjejë veten si partia e idealeve.
“Nuk është një moment i lehtë për PD që të gjejë frymëzimin, që të japë një model pozitiv. Sot po del një llum që nuk ka qenë për 30 vjet, dhe kjo edhe prej kësaj krize në opozitë, që nuk po jep një shpresë, që nuk po ia del dot që të kalojë një cikël dhe të fillojë një tjetër, por jam e mendimit që do e gjejë veten dhe nuk ka forcë tjetër politike që ka ato besime që unë kam për lirinë e tregut, ekonominë, mundësinë e të bërit shumë gjëra, veç PD”, tha Tabaku./Tema
