Kombëtarja e Futbollit e Türkiyes kaloi në raundin e 16 skuadrave më të mira në Kampionatin Evropian EURO 2024, pasi mundi Republikën Çeke 2-1 në ndeshjen e tretë të Grupit F.
Türkiye gjeti rrjetën në minutën e 51-të, kur Hakan Çalhanoğlu bëri një goditje të fortë me këmbën e djathtë nga një pozicioni jo larg portës.
Çekia barazoi në 1-1 në minutën e 66-të, pasi Tomas Soucek dërgoi në rrjetë një top të kthyer me një goditje nga afër.
Türkiye kaloi përsëri në epërsi në minutat shtesë. Cenk Tosun u fut në zonën e penalltisë me një pasim nga Orkun Kökçü, shpëtoi nga kundërshtarët e tij dhe e dërgoi topin në rrjetë nga këndi me një goditje të fortë, duke vulosur rezultatin final 2-1.
Çekia luajti me një lojtar më pak, pasi Antonin Barak u ndëshkua me kartonin e dytë të verdhë në minutën e 20-të.
Me këtë rezultat, kombëtarja turke përfundoi e dyta në grup me 6 pikë pas Portugalisë, ndërsa në të tetën e finales do të përballet me Austrinë./aa
