Në mesazhin paszgjedhor, presidenti i sapozgjedhur i Iranit, Masoud Pezeshkian, ka deklaruar se bashkëpunimi i qytetarëve është thelbësor në lundrimin në rrugën sfiduese përpara, si dhe është zotuar për mbështetjen e tij të palëkundur për unitet.
“I dashur popull i Iranit, zgjedhjet kanë përfunduar dhe ky është vetëm fillimi i bashkëpunimit tonë. Rruga e vështirë përpara nuk do të jetë e qetë, përveçse me shoqërimin, ndjeshmërinë dhe besimin tuaj”, tha Pezeshkian.
“Unë ju shtrij dorën dhe betohem për nderim tim që nuk do t’ju lë vetëm në këtë rrugë. Mos na lini vetëm”, shtoi ai.
Sipas rezultateve të shpallura sot herët, Pezeshkian me një diferencë prej 2.7 milionë votash mundi kundërshtarin e tij konservator Saeed Jalili, ish-negociatori kryesor bërthamor dhe kreu i organit të lartë të sigurisë./aa
