Kryetari i Kuvendit të Kosovës, Glauk Konjufca, ka folur sot edhe njëherë lidhur me deklaratën e tij dhënë ditë më parë që Serbia po trajnon grupe për ndonjë sulm të mundshëm në Kosovë.
Konjufca ka thënë se këtë nuk e ka bërë për t’i frikësuar qytetarët e Kosovës, por për t’iu treguar bashkësisë ndërkombëtare për aktivitetet serbe.
Sipas tij, Kosova është shumë e sigurt.
Kru i Kuvendit, duke i referuar deklaratave të ndërkombëtarëve tha se edhe ata e dinë që Serbia ka pretendime territoriale ndaj Kosovës.
Por, shtoi se Kosova nuk ka qenë asnjëherë më e gatshme për t’iu përgjigjur çfarëdo sfide të sigurisë.
Sa i përket grupeve që kanë synim destabilizimin e Kosovës, Konjufca ka thënë se ekzistojnë dhe se të njëjtat janë të strehuara në Serbi, por sa i përket situatës brenda Kosovës gjithçka është në kontroll.
Kryeparlamentari Glauk Konjufca ka komentuar edhe deklaratën e ndihmës Sekretarit, James O’Brien, i cili ka thënë se Kosova ka të drejtë të mbrojë territorin e saj si çdo vend tjetër, duke thënë se kjo është ajo që janë munduar ta shpjegojnë gjithmonë.
Disa ditë më parë, Konjufca është shprehur se
Situata e sigurisë, Konjufca: Jemi të përgatitur për çfarëdo lloj sfide, Kosova është e sigurtë
Serbia duhet të shihet rrezik jo vetëm në Kosovë por për krejt stabilitetin dhe paqen në Ballkanin Perëndimor./ata