Në kantierin “Sheshi Shqiponja-Bulevardi i Ri”, Loti 2, pjesë e Unazës së Madhe të Tiranës, po vijon puna pa ndërprerje ku deri më tani është realizuar 96% e investimit.
Kryeministri Edi Rama ndau sot në rrjetet sociale pamje nga ky aks i rëndësishëm ku aktualisht po punohet me vendosjen e sinjalistikës dhe trotuareve.
Kryeministri theksoi se i gjithë projekti do të krijojë lehtësira të mëdha për kryeqytetin, që nga shkurtimi i distancave të lëvizjes me makinë, te reduktimi në masë i trafikut, e deri tek impakti i zhvillimit të bizneseve dhe rritjes së vlerës së pronës.
Unaza e Madhe e kryeqytetit përbën një segment rrugor të gjerë dhe me standarde, mbi 27 kilometra të gjatë.
Ndërtimi i Unazës lehtëson trafikun dhe shkurton distancat, sidomos për mjetet që kalojnë tranzit në Tiranë, apo lëvizin nga periferia jashtë Tiranës. Kjo unazë do të bëjë të mundur një shpërndarje të trafikut.
Në të gjitha zonat ku kalon, ky segment rrugor gjallëron jetën e komuniteteve dhe rrit vlerën e pronave dhe të investimeve të banorëve të komuniteteve./ata
