Mikel Arteta do të fillojë sezonin e tij të 6-të tek Arsenali, skuadër me të cilën ishte afër fitimit të titullit të Premier League dhe me të cilën dëshiron të vazhdojë të bëjë hapa gjigantë për t’u konsoliduar si një nga skuadrat më të mira në Europë.
Trajneri nga San Sebastián, i cili pati mjaft ndikim në entitetin e “Topçinjve” gjatë kohës së tij si futbollist, ka bërë mjaft mirë edhe në krye të stafit teknik për shkak të personalitetit dhe teknikave inovative të menaxhimit të grupit, siç zbuloi “The Athletic” me njërën prej tyre.
Në një darkë me lojtarët e tij sezonin e kaluar, trajneri punësoi fshehurazi një “ekip xhepistash” profesionistë. “Artistët e dorës” (xhepistat) kishin për detyrë të silleshin nëpër tavolina, të vidhnin telefona dhe kuleta nga disa lojtarë të ekipit të parë, të cilët nuk e kishin idenë se çfarë po ndodhte.
Në fund të vaktit, basku u ngrit në këmbë dhe i kërkoi ekipit të zbrazte xhepat. Disa lojtarëve u mungonin sende me vlerë. Arsyeja pse e bëri këtë? Që t’i mësonte ekipit të tij rëndësinë e të qenit gati, vigjilent dhe i përgatitur në çdo kohë.
Ky lloj i të menduarit inovativ është tipik për Arteta, e cila e sheh çdo rast si një mundësi për të mësuar dhe për t’u zhvilluar. Ndikimi i tij është i dukshëm në të gjitha dimensionet e Arsenalit, ku ndjesia e përmirësimit është krijuar përgjithmonë në të gjitha fushat e entitetit./Tema
