Nënkoloneli Agim Sallaku është ndarë nga jeta pas një beteje të gjatë me një sëmundje të rëndë.
Lajmin e trishtë e konfirmon dhe ministri i Mbrojtjes, Pirro Vëngu, i cili ka ndarë një fotografi të nënkolonel Agimit duke shprehur mirënjohjen për angazhimin e tij, si një prej ushtarakëve më të përkushtuar të Forcave të Armatosura.
“Trishtim dhe dhimbje për ikjen e parakohshme nga jeta të nënkolonel Agim Sallakut! Pas një beteje të gjatë me një sëmundje të rëndë, nënkolonel Sallaku u nda nga jeta duke lënë në hidhërim familjen dhe të gjithë ata që e njohën dhe punuan me të në Forcën Ajrore.
Mirënjohje të thellë për kontributin njerëzor e profesional të një prej ushtarakëve më të përkushtuar të Forcave të Armatosura! Ngushëllimet më të ndjera familjes dhe të afërmve. U prehsh në paqe, nënkolonel Sallaku”, shkruan ministri Vëngu./ata
