Kryeministri i Izraelit, Benjamin Netanyahu ka hedhur poshtë lajmin se ai mendon vendosjen e forcës ndërkombëtare në Korridorin e Filadelfit në kufirin mes Rripit të Gazës dhe Egjiptit.
Zyra për media e kryeministrisë bëri një deklaratë me shkrim lidhur me lajmin se Netanyahu po shqyrton vendosjen e forcës ndërkombëtare në Korridorin e Filadelfit.
Në deklaratë mbrohet ideja se lajmi në fjalë është "gënjeshtër" dhe vihet theksi se Netanyahu është këmbëngulës në pushtimin e Korridorit të Filadelfit nga ushtria izraelite.
Ushtria izraelite më 6 maj filloi sulmin e saj tokësor ndaj rajonit Rafah të Gazës që ndodhet në kufi me Egjiptin dhe pushtoi Korridorin e Filadelfit.
Para negociatave për shkëmbimin e pengjeve, Netanyahu vendosi kushtin që ushtria izraelite të vazhdojë pushtimit e Korridorit të Filadelfit.
Në lajmet e paraqitura në media u tha se një delegacion nga Izraeli qëndroi dje në Kajro për të diskutuar me zyrtarë egjiptianë dhe amerikanë për rihapjen e Korridorit të Filadelfit dhe të pikës kufitare Rafah./aa
