më parë në Khan Yunus, ku ushtria izraelite u tërhoq dje nga rajonet veriore dhe perëndimore.
Në deklaratën me shkrim të Organizatës së Mbrojtjes Civile në Gaza thuhet se një operacion kërkim-shpëtimi po kryhet në rrënojat e shtëpisë së shënjestruar nga Izraeli në sulmin më 21 gusht në perëndim të Khan Younis, në jug të Rripit të Gazës.
Ekipet e Mbrojtjes Civile gjetën trupat e pajetë të 11 palestinezëve të cilët u vranë nga sulmi teksa punonin në rrënojat e shtëpisë së familjes Abu Hedrus.
Avionët luftarakë të ushtrisë izraelite bombarduan shtëpinë e familjes Abu Hedrus më 21 gusht. Ekipet mjekësore dhe të Mbrojtjes Civile, të cilët donin të evakuonin të plagosurit, nuk arritën në zonë për shkak të pengesës së ushtarëve izraelitë.
Ushtarët izraelitë, të cilët hynë në Khan Younis dhe kryen sulme për ditë të tëra, u tërhoqën nga pjesët veriore dhe perëndimore të qytetit dje dhe u kthyen në rajonet lindore. Me tërheqjen e ushtarëve izraelitë nga këto rajone, u zbulua shkatërrimi i gjerë i pronave palestineze.
Ushtarët izraelitë shkatërruan dhjetëra rezidenca në rajonet veriore të qytetit Khan Younis dhe rrënuan me buldozerë pronat palestineze./aa
