Gjimnazi i ri “Shefqet Guzi” në Gramsh, një financim i Ministrisë së Arsimit dhe Sportit është gati të presë me kushte bashkëkohore 430 nxënës dhe mësues.
Kryeministri Edi Rama ndau sot në rrjetet sociale pamje nga ky gjimnaz, i cili hap dyert i rindërtuar në 9 shtator, me nisjen e vitit të ri shkollor.
“Gjimnazi i rindërtuar “Shefqet Guzi” në Gramsh, një tjetër investim i Ministrisë së Arsimit dhe Sportit dhe Bashkisë Gramsh, që do të presë me kushte bashkëkohore 430 nxënës dhe mësues më 9 shtator”, shkruan Rama.
Falë këtij investimi janë transformuar dhe modernizuar tërësisht ambientet e shkollës, duke përfshirë jo vetëm përmirësimin e mjediseve për mësimdhënie, por edhe duke krijuar hapësira të reja për aktivitete sportive.
Përveç shkollës “Shefqet Guzi” në Gramsh, në qarkun e Elbasanit për vitet 2024-2025 janë 5 projekte për rehabilitimin e shkollave të përqendruara në bashkitë Elbasan, Gramsh, Librazhd, Peqin dhe Prrenjas.
Nga investimet në rehabilitimin e këtyre shkollave do të përfitojnë 2500 nxënës. Po ashtu, në kuadër të programit për rritjen e aftësive digjitale të nxënësve, qarkut të Elbasanit do t’i shtohen 14 laboratorë SMART./ata
