Ndodh për herë të parë në historinë e NBA. Babë e birë luajnë njëkohësisht dhe për më tepër në të njëjtin ekip. Bëhet fjalë për yllin e NBA Le Bron James i cili ditën e hënë, në sfidën e Los Angeles Lakers, kundrejt Phoenix Suns, e vlefshme për ndeshjet e Preseason, pati mundësinë që për pak minuta të luante në të njëjtin parket me djalin e tij Bronny James Jr.
Ndeshjet për Preseason zhvillohen çdo vit përpara nisjes së sezonit të rregullt të basketbollit amerikan, i cili këtë vit do të nis më 22 Tetor, ndaj skuadrat e elitës së basketbollit kanë mundësinë të provojnë lojtarë të rinj e të talentuar. LeBron dhe Brony hyjnë kështu në histori teksa bëhen dy lojtarët e parë babë e bir që luajnë në të njëjtën kohë e për të njëjtën skuadër.
Kjo ishte dhurata më e bukur që mund të merrte Jamesin e ri, teksa ai festonte edhe 20 vjetorin e lindjes. Publiku nuk ngurroi të duartrokiste gjatë këtë moment, i cili padyshim do të mbetet i paharruar gjithmonë për Bronny James./BalkanWeb
