Një ngjarje e rëndë ka ndodhur në fshatin Karavasta të Divjakës, ku një spanjoll është gjetur pa shenja jete në tualetin e një hoteli ku po qëndronte bashkë me shokun e tij.
47-vjeçari Franciso Cervilla dyshohet se vrau veten duke prerë damarët në dush në banjë. Ai u gjet nga shoku i tij 41 vjeç. Prej një muaji, të dy punonin në një firmë që montonte pajisje në sera.
Njoftimi i policisë
Në fshatin Karavasta, Divjakë, në një hotel, shtetasi spanjoll F. C., 47 vjeç, dyshohet se ka dëmtuar veten me mjet prerës (thikë) dhe për pasojë ka humbur jetën.
Sipas deklarimeve të para të shokut të tij të dhomës, shtetasit spanjoll O. V., 41 vjeç, rezulton se 47-vjeçari është dëmtuar me mjet prerës gjatë kohës që ka qenë duke bërë dush.
Nga ana e grupit hetimor, nën drejtimin e Prokurorisë, po kryhen veprime të thelluara hetimore për sqarimin e rrethanave të ngjarjes, për të përcaktuar shkakun e kryerjes së vetëvrasjes.
Ndërkohë, është shoqëruar në ambientet e Policisë, shoku i dhomës, shtetasi O. V., për sqarimin e të gjitha rrethanave dhe mekanizmit të ngjarjes.
Në përfundim të veprimeve të para hetimore në vendngjarje do ketë njoftim të detajuar për këtë rast.
