Kryeministri Edi Rama ka zhvilluar këtë të premte një takim me Sekretarin e Jashtëm britanik, James Cleverly, në auditorin e Institutin Mbretëror të Marrëdhënieve Ndërkombëtare.
Ky lajm u bë i ditur nga një postim në rrjete sociale të publikuar nga vetë Sekretari I Jashtëm, i cili shkruan se Shqipëria dhe Mbretëria e Bashkuar janë duke bashkëpunuar për sigurinë e vendit.
“Përtej çdo gjëje tjetër, bashkëpunimi është thelbësor. Mbretëria e Bashkuar dhe Shqipëria janë duke punuar së bashku për të promovuar sigurinë dhe begatinë e popujve tanë”, shkruan Cleverly.
Në vizitën e parë Kryeminstri ka zhvilluar një takim me homologun britanik Rishi Sunak dhe biseda mes tyre u fokusua në çështjet e emigracionit, sigurisë, krimit të organizuar dhe ekonomisë.
