Bedri Murati i cili u arrestua në flagrancë teksa shpërndante lekë për llogari të kandidatit të koalicionit “Bashkë Fitojmë”, është liruar nga Gjykata. Prokuroria e Tiranës kërkoi detyrim paraqitje për të.
I dyshuar për korrupsion aktiv në zgjedhje, 48 vjecarit ju gjetën 690 mijë lekë të vjetra dhe 50 euro si dhe një listë me emra zgjedhësish. Në këtë listë u vërejtën 13 emra zgjedhësish të rrethuar me stilolaps. Prej tyre rezultoi se 7 jetonin jashtë Shqipërisë.
48-vjeçari Bedri Murati, person me precedentë penalë të mëparshëm, dyshohet se shpërndante para për të diktuar votën e votuesve të komunës Cudhi për llogari të kandidatit të koalicionit “Bashkë Fitojmë” për bashkinë e Krujës, Agron Loka.
I dyshuari deklaroi se s’ka lidhje me zgjedhjet dhe se paratë qe ju gjetën ishin të familjes.
