Për shkak të nxehtësisë ekstreme numri i vdekjeve në të gjithë Meksikën ka arritur në 249 gjatë katër muajve të fundit, ka raportuar Ministria e Shëndetësisë.
Njëqind vdekje u regjistruan në Nuevo León, 28 në Tamaulipas, 26 në Veracruz dhe 26 në Sonora midis 19 marsit dhe 22 korrikut. Pjesa tjetër e vdekjeve u regjistruan në 12 qytete të tjera.
Qeveria raportoi gjithashtu 3,169 “raste të lidhura me temperatura ekstreme natyrore”.
Vendi ka duruar temperaturat ekstreme së bashku me shtetet jugore të SHBA-së të sjellë nga një “valë e nxehtësisë”.
Në fund të muajit të kaluar, disa shtete meksikane u goditën nga temperaturat mujore më të larta të të gjitha kohërave duke arritur në 45 gradë Celsius në vende të caktuara. Modele të ngjashme janë parë në javën aktuale.
Shumica e vdekjeve, rreth 157, ekuivalente me 63%, u regjistruan në “valën e tretë të të nxehtit” nga katër valët e pritshme për vitin 2023, sipas informacionit të dhënë nga Sekretariati.
Sipas të dhënave të qeverisë, 92.4% e vdekjeve janë për shkak të “goditjes së nxehtësisë”, dhe pjesa tjetër për shkak të dehidrimit.
Për të përballuar temperaturat e larta, qeveria rekomandon pirjen e të paktën dy litra ujë të ambalazhuar, të zier ose të dezinfektuar dhe shmangien e ekspozimit të zgjatur në diell, veçanërisht nga ora 11 e mëngjesit deri në tre pasdite.
Ata gjithashtu rekomandojnë përdorimin e veshjeve të përshtatshme, kremrave kundër diellit dhe kapelave.
