Për të treguar se vala e fundit e të nxehtit në Parkun Kombëtar Zion në SHBA është tepër serioze, punonjësit e parkut vendosën të piqnin biskota duke lënë brumin e biskotave në një makinë të parkuar.
“Makina juaj mund të jetë si një furrë. Ndaj vendosëm të gatuajmë biskota!”, ka shkruar Park Service në një postim në Instagram ku shfaqet një video e një ene me biskota të vendosura në kroskotin e një makine.
Sipas informacioneve të punonjësve, biskotat u deshën rreth tre orë për t’u pjekur.
Temperaturat në Sion kanë arritur vazhdimisht 38 gradë Celsius në javët e fundit, që do të thotë se temperaturat brenda automjeteve atje mund të arrijnë 93 gradë Celsius, thuhet në postim.
Para se të piqen biskotat, punonjësit vendosën një termometër në makinë, i cili u shkri për pak kohë.
Për të ndihmuar në parandalimin e sëmundjeve të lidhura me nxehtësinë, stafi i Zion Park rekomandon të kontrolloni parashikimin e motit përpara se të vizitoni parkun, të përdorni krem kundër diellit, të shmangni të dalurën në drekë dhe të qëndroni të hidratuar.
Kafshët dhe fëmijët nuk duhet të lihen kurrë vetëm në një makinë, thuhet në postim.
