Ndërtesa ngjitur me një sinagogë historike në New York u evakuua sot për shkak të dëmtimit të shkaktuar nga një tunel i paligjshëm i gërmuar nga një grup studentësh hebrenj.
Për të evakuuar banorët, zyrtarët e qytetit të New Yorkut varën një njoftim largimi në derën e ndërtesës në Brooklyn, në lagjen Crown Heights, për shkak të dëmtimit të themelit të strukturës së saj.
Ekipet nga Departamenti i Policisë së New Yorkut qëndruan roje brenda dhe rreth sinagogës së organizatës hebreje Chabad-Lubavitch, duke bllokuar hyrjen në ndërtesë.
Ndërkohë që një hetim policor vazhdon, nuk dihet arsyeja pse tunelet u hapën fshehurazi nën objektin hebre të kultit.
Në media sociale u përhapën pretendime se tunelet ishin gërmuar për adhurim në fshehtësi gjatë pandemisë COVID-19 ose që gratë të futeshin fshehurazi në sinagogë.
Studentët e ndaluar në një seancë gjyqësore nuk e kanë pranuar fajësinë dhe janë liruar pa kusht.
Departamenti i Policisë së New Yorkut zbuloi tunelin ilegal nën Selinë Botërore të Chabad-Lubavitch./aa
