Shqipëria po vizitohet gjithnjë e më shumë nga turistë të huaj.
Instituti i Statistikave (INSTAT) publikoi së fundmi ecurinë e strukturave akomoduese, ku për dhjetorin e 2023-shit vihet re një rritje dyshifrore si për qëndrimet e rezidentëve, edhe për jorezidentët.
Sipas INSTAT-it, numri i vizitorëve gjithsej është rritur me 47.9 %, në krahasim me dhjetorin 2022.
Numri i vizitorëve rezident, sipas INSTAT, është rritur me 33.2 %, ndërsa numri i vizitorëve jorezidentë është rritur me 66 %.
Referuar INSTAT, numri i netëqëndrimeve gjithsej është rritur me 67.5 %, në krahasim me dhjetorin 2022. Konkretisht numri i netëqëndrimeve nga rezident është rritur me 54.3 % kurse numri i netëqëndrimeve nga jorezident është rritur me 81 %.
Norma neto e shfrytëzimit të dhomave dhe të shtretërve, tregues i cili mat përqindjen e shfrytëzimit të kapaciteteve akomoduese, dhoma dhe shtretër të disponueshëm për vizitorë janë rritur gjithashtu.
Gjatë muajit dhjetor, norma e shfrytëzimit të dhomave të “hoteleve dhe akomodimeve të ngjashme” është 13.3 %, kundrejt 9.9 % që ishte në muajin dhjetor 2022”.
Norma e shfrytëzimit të shtretërve të “hoteleve dhe akomodimeve të ngjashme” është 14.7 %, kundrejt 8.5 % që ishte në muajin dhjetor 2022./ata
