Gjermania ka rrëzuar dy dronë të lëshuar nga grupi Houthi i Jemenit, tha media gjermane.
Dy dronët e grupit Houthi janë shënjestruar të martën vonë nga fregata detare gjermane Hessen, e vendosur në Detin e Kuq si pjesë e misionit detar të BE-së "Aspides" për të mbrojtur anijet.
Agjencia gjermane e lajmeve DPA raportoi se ky ishte përdorimi i parë i armëve të gjalla nga marina gjermane në operacionin që filloi javën e kaluar dhe konsiderohet si "misioni detar më i rrezikshëm" në historinë e Forcave të Armatosura Gjermane.
"Më 27 shkurt, midis orës 21:50 dhe 22:55 (me kohën e kryeqytetit Sana), aeroplanët e SHBA-së dhe një luftanije e koalicionit rrëzuan pesë mjete ajrore pa pilot (UAV) të Houthive të mbështetur nga Irani në Detin e Kuq", tha Komanda Qendrore e SHBA-së (CENTCOM) sot herët.
Grupi Huthi i Jemenit ka shënjestruar anije mallrash në Detin e Kuq në pronësi ose operim të kompanive izraelite ose që transportojnë mallra drejt dhe nga Izraeli në solidaritet me Rripin e Gazës, i cili ka qenë nën sulmet izraelite që nga 7 tetori.
Deti i Kuq është një nga rrugët detare më të përdorura në botë për dërgesat e naftës dhe karburantit./aa
