Türkiye do ta vazhdojë luftën e saj të drejtë kundër terrorizmit derisa të mos jetë më nën kërcënimin terrorist, tha sot presidenti i vendit, Recep Tayyip ErdoÄŸan.
“Lufta jonë do të vazhdojë derisa Türkiye të çlirohet nga kërcënimi i terrorizmit separatist”, tha ErdoÄŸan në një tubim në qytetin Çorum të Detit të Zi në kuadër të fushatës për zgjedhjet lokale që do të mbahen më 31 mars.
Duke treguar se si terroristët u përpoqën të rrethojnë Türkiyen duke krijuar një korridor terrorist në Sirinë fqinje dhe se si grupi terrorist DEASH kishte sulmuar vendin, ErdoÄŸan tha se Ankaraja i kishte zmbrapsur këto sulme përmes operacioneve në veri të Sirisë, afër kufirit turk.
“Ne pastruam foletë e terroristëve me një strategji që synon eliminimin e burimit të terrorizmit. Ne e bëmë atë në Gabar, e bëmë në Tendurek dhe e bëmë në Bestler-Dereler”, shtoi ai, duke iu referuar zonave në Türkiye pranë kufijve, ku terroristët janë strehuar, kanë kaluar kufirin kur kanë mundur dhe kanë planifikuar sulme.
Tani, me ndihmën e mjeteve ajrore të armatosura pa pilot, Türkiye mund t’i largojë terroristët 300-350 kilometra nga kufiri dhe t’i ‘dërrmojë ata’”, tha ErdoÄŸan.
Që nga viti 2016, Ankaraja ka kryer tri operacione të suksesshme antiterroriste përtej kufirit të saj në veri të Sirisë për të parandaluar formimin e një korridori terrorist dhe për të mundësuar vendosjen paqësore të banorëve: Mburoja e Eufratit (2016), Dega e Ullirit (2018) dhe Burimi i Paqes (2019)./aa
