Kryeministri Edi Rama ndau sot pamje nga Liqeni i Komanit, i shndërruar në një atraksion mjaft të preferuar nga turistët vendas dhe të huaj.
“Liqeni i Komanit, ose një ëndërr në pranverë si oaz i turizmit të sporteve dhe aventurës që krijon peizazhe frymëzuese të natyrës rreth tij”, shkruan Rama në rrjetet sociale.
Veriu i Shqipërisë prej vitesh po ngjall interes të madh të marra nga turistët e huaj dhe vendas. Dhe dalëngadalë, ky liqen po zë vendin në listat kryesore për t’u eksploruar dhe vizituar.
Liqeni i Komanit është një rezervuar në lumin Drin, që ushqehet nga lumenjtë Shala dhe Valbona. Shtrihet në një sipërfaqe prej 34 kilometrash, nga fshati Koman gjatë gjithë rrugës deri në fshatin Fierzë. Ky liqen është shtëpia e 13 specieve të ndryshme të peshkut dhe amfibëve.
Liqeni Komanit shtrihet mes maleve të qarkut të Shkodrës dhe Kukësit. Është e pabesueshme që një vend kaq i bukur është rezultat i një rezervuari të ndërtuar në 1978 pranë fshatit Koman.
Udhëtimi përgjatë liqenit nga Komani deri në Fierzë zgjat më pak se tri orë dhe konsiderohet si një nga përvojat më unike të përvoja të udhëtimeve në Shqipëri. Udhëtimi me kanoe ofron panoramën më të mrekullueshme të kësaj natyre të paprekur që rrethon liqenin./ata
