Përveç shqiptarëve të cilët po presin brenda pallatit të sportit në Busto Arsizio, lokalitet afër qytetit të Milanos, me qindra të tjerë u panë në radhë për të takuar kryeministrin Edi Rama jashtë pallatit të sportit.

Në pamjet e siguruara shihen bashkatdhetarët shqiptarë të cilët nxitojnë për tu futur brenda ambienteve të pallatit të sportit për të përshëndetur Ramën, në këtë tur që po zhvillon me diasporën.

Kujtojmë që të dielën e 12 majit 2024, Rama mbajti takimin në Athinë, i pari me diasporën shqiptare të Greqisë.

Pas Milanos, Rama do të takohet me shqiptarët e Londrës në 2 qershor dhe 16 qershor në Düsseldorf./Tema