Sipas qeverisë gjermane, Ukraina mund të përdorë armët gjermane për të goditur objektivat në territorin rus, me qëllim për të mbrojtur rajonin ukrainas Kharkiv.
Steffen Hebestreit, zëdhënës i kancelarit gjerman, tha se Gjermania dhe aleatët e saj vazhdimisht po përshtatin mbështetjen e tyre ushtarake për Ukrainën duke u bazuar në zhvillimet në fushën e betejës.
Sipas tij, në javët e fundit “Rusia ka përgatitur, koordinuar dhe kryer sulme në rajonin Kharkiv, veçanërisht nga rajoni kufitar rus i afërt”.
“Së bashku jemi të bindur se Ukraina ka të drejtën sipas ligjit ndërkombëtar për të mbrojtur veten kundër këtyre sulmeve. Për këtë qëllim, ajo mund të përdorë edhe armët e dorëzuara për këtë qëllim, përfshirë ato të furnizuara nga ne, në përputhje me detyrimet e saj ligjore ndërkombëtare”, tha zëdhënësi i kancelarit gjerman./aa
