Kryetari i bashkisë së Tiranës, Erion Veliaj ndodhet në Sarajevë të Bosnjë-Hercegovinës, ku po zhvillon takime zyrtare në cilësinë e presidentit të rrjetit të B40.
Pas takimit me homologen e tij, kryebashkiaken Benjamina Karić, Veliaj takoi ministrin e Transportit dhe Infrastrukturës me të cilin ndanë ide për transformimin urban të qyteteve.
“Kënaqësi të takoja mikun e vjetër, ministrin e Transportit dhe Infrastrukturës, Edin Forto, në Sarajevë, në kuadër të turit në cilësinë e Presidentit të B40, rrjetit më të madh të bashkive të Ballkanit.
Është e rëndësishme të kemi qeverisje vendore të qëndrueshme për të implementuar transformimet urbane, qytetet duhet të inkurajohen për t’u përshtatur me ndryshimin”, shkruan Veliaj në rrjetet sociale./ata
