Deputetja e Partisë Demokratike, Jorida Tabaku ka reaguar pasditën e sotme mbi vendimin që ka marrë Gjykata Kushtetuese në lidhje me ligjin e komisioneve hetimore.
Kryetarja e komisionit të Çështjeve Europiane e ka quajtur këtë vendim si një hap që i jep mundësinë Kuvendit të rikthehet në shinat e funksionalitetit dhe kushtetutshmërisë.
Ajo e ka quajtur krizën e krijuar nga mazhoranca si artificiale, dhe këtu i referohet vendimit të mazhorancës për të bllokuar për mbi katër muaj ngritjen e komisioneve hetimore.
Tabaku iu referua këtij bllokimi si të pakuptimtë, ndërsa propozimet e mazhorancës të sajuara me porosi, me qëllim shmangien e plotë të thelbit të ngritjes së komisioneve hetimore.
Gjykata Kushtetuese ka pranuar pjesërisht kërkesën e opozitës sa i përket ligjit për Komisionet Hetimore. Bëhet fjalë për nenin 4, 7 dhe 9, për të cilët gjykata thotë se janë të papajtueshme me Kushtetutën./ata
