Kryetari i Komisionit të Posaçëm për Antikorrupsionin Fatmir Xhafaj u shpreh sot se “reforma e re për antikorrupsionin e mirëqeverisjen nuk cënon asgjë nga Reforma në Drejtësi”.
Në fjalën e mbajtur në Kongresin Zgjedhor të PS-së, Xhafaj theksoi se “ne kemi kryefjalë sundimin e ligjit dhe kjo ka përcaktuar në esencë vetë ADN-në e PS-së”.
Sipas tij, kjo nuk është një klishe politike, por një fakt i pakundërshtueshëm historik.
Duke u ndalur te Reforma në Drejtësi, Xhafaj nënvizoi se “qëndrimi i kryeministrit Edi Rama se përgjegjësia është individuale, është e duhura”.
“PS ideoi dhe udhëhoqi reformën më të madhe shtetndërtuese, Reformën në Drejtësi, e cila me të drejtë quhet reforma mëe thellë historiek në këto vite tranzicioni. Edhe ajo kaloi mes një furtune ku të luftoje me besim për të duhej një qartësi, vullnet e kurajo që kur vjen koha e vendimmarrjeve tëmëdha e gjen vetëm kjo parti dhe askush tjetër”, theksoi Xhafaj.
Xhafaj theksoi se Reforma në Drejtësi garantoi jo në letër por në realitet parimin kyç të demokracisë dhe mirëqeverisjes, pavarësinë e tre pushteteve.
Nëvijim, Xhafaj nënvizoi se reforma “Antikorrupsion” nuk cënon institucionet e drejtësisë, por atë e mbështesin dhe ndërkombëtarët.
“Në frymën e reformës në drejtësi po vijojmë me një tjetër projekt madhor për sundimin e ligjit ‘antikorrupsionin e mirëqeverisjen’. Edhe ky projekt që ka marrë dakordësinë e plotë të aleatëve tanë strategjik ka vetëm një qëllim si të mbështesim modernizimin e shtetit në një sërë hallkash që lidhen me mirëqeverisjen e sundimin e ligjit e si të konsolidojmë edhe më tej sistemin e ri të drejtësisë në trasenë kushtetuese në të cilën është ngritur”, shtoi ai.
Xhafaj theksoi se tashmë “kemi shtruar rrugën për një reformë të thellë që synon të adresojë tre sfida kyce: mirëqeverisjen, antikorrupsionin e sundimin e ligjit”.
“Do të realizohet me proces transparent dhe me standard. Do të angazhohen 60 – 70 ekspertë vendas e ndërkombëtarë të pavarur, me mbështetjen e mbi 100 ekspertëve të angazhuar nga institucionet e pavarura të administratës publike, e debate publike. Na takoi sërish ne ta bëjmë këtë betejë”, theksoi ai.
Sipas tij,”reforma nuk ka të bëjë me dobësimin e institucioneve të drejtësisë”.
“Na takon ne të shtrijmë dorës ndaj kundërshtarëve edhe pse ata mbajnë mbi të topin e baltës mbi ne. Reforma e re nuk cënon asgjë nga Reforma në Drejtësi dhe kushdo që e shpërndan këtë tymnajë është i friguar nga të dyja. Nëse për Reformën në Drejtësi institucionet e drejtësisë ishin objekt reformimi, me reformën e re institucionet e reja të drejtësisë janë partnere në respekt të plotë të ndarjes dhe balancës ndërmjet pushteteve”, theksoi ai./ata
