Gjermania kërkon një kapiten të ri!
Pas tërheqjes së Ilkay Gündogan nga kombëtarja gjermane, trajneri Julian Nagelsmann duhet të zgjedhë një kapiten të ri, që do të udhëheqë ekipin kombëtar në Kupën e Botës 2026.
Po kush duhet të jetë kapiteni i ri i DFB-së?
Në fakt janë disa emra, por në një sondazh online të BILD, rreth 47 për qind e pjesëmarrësve votuan për yllin e Bayern, Joshua Kimmich si kapitenin e ri të DFB.
Madje për emrin e Kimmich mendon edhe Lothar Matthäus, i cili udhëhoqi ekipin e DFB drejt titullit të Kupës së Botës si kapiten në vitin 1990.
Matthäus tha se tani ka shumë për të thënë për Joshua Kimmich. “Unë jam një fans i tij. Ai mund të luajë të klasit botëror në dy pozicione. Ai shkon përpara, vendos gishtin në plagë, është shumë inteligjent dhe di të lexojë një lojë”, shprehet ish-ylli i kombëtares gjermane.
Matthäus do të donte që Tah i Leverkusen të kishte rolin e zv.kapitenit. “Unë e shoh Jonathan Tah si zëvendësin e tij. Ai gjithashtu merr përgjegjësi, siç e ka treguar prej vitesh në Leverkusen”.
Sipas Matthäus, nuk duhet harruar as portieri Manuel Neuer (38). Siç raportoi dje BILD, Neuer do të marrë pjesë në ndeshjet ndërkombëtare në shtator dhe do t’i bashkohet ekipit kombëtar në një datë të mëvonshme të vitit.
Një ish-koleg i skuadrës së Matthäus po kërkon gjithashtu që Kimmich të jetë kapiten. Stefan Effenberg shkroi në rubrikën e tij në “t-online”: “me përvojën dhe karakterin e tij, Kimmich ka gjithçka që i nevojitet për këtë punë”./BalkanWeb
