Një dokumentar i ri i titulluar Holy Redemption (Shpëtimi i shenjtë) do të shfaqet premierë të shtunën, duke hedhur dritë mbi brutalitetin e vuajtur nga palestinezët në Bregun Perëndimor nga duart e kolonëve të paligjshëm izraelitë.
Prodhuar nga TRT World, transmetuesi kombëtar i Türkiyes, dokumentari synon të tërheqë vëmendjen globale ndaj asaj që e përshkruan si "Gjenocidi i Gazës", i cili është përshkallëzuar gjatë 10 muajve të fundit si rezultat i bllokadës së gjatë të Izraelit.
Filmuar nga ekipet e TRT World në terren në territoret e pushtuara palestineze, filmi do të ketë një shfaqje speciale të shtunën në orën 15:00 në Kinemanë Atlas në Istanbul.
Dokumentari premton të jetë një rrëfim i rëndë i dhunës së ushtruar nga kolonët e paligjshëm izraelitë, që OKB-ja dhe pjesa më e madhe e komunitetit ndërkombëtar e konsiderojnë gjithashtu të paligjshme.
Përmes një sërë dëshmish rrëqethëse dhe pamjeve tronditëse, dokumentari do t'u ofrojë shikuesve një vështrim të pafiltruar mbi jetën e palestinezëve në Bregun Perëndimor. Ai përfshin dhunën dhe vuajtjet e shkaktuara nga kolonët e paligjshëm izraelitë në komunitetet palestineze, duke ofruar një platformë për dëshmitarët dhe autorët për të treguar historitë e tyre.
Investigim novator nga TRT World
Krijimi i filmit Holy Redemption nuk ishte diçka e vogël. Ekipi hulumtues i TRT World u ndesh me sfida të vështira teksa depërtuan brenda grupeve radikale izraelite në Bregun Perëndimor vetëm dy muaj pas fillimit të "Gjenocidit të Gazës" më 7 tetor të vitit të kaluar.
Rrugëtimi i tyre në zemrën e këtyre komuniteteve ekstremiste zbulon një anë të konfliktit izraelito-palestinez që rrallë mbulohet nga mediat kryesore.
Dokumentari përfshin pamjet nga brenda postave ku stërviten e ashtuquajtura “Hilltop Youth” (Rinia e Kodrës), një grup radikal i referuar ndonjëherë edhe në mediat izraelite si "DEASH-i i Izraelit". Këta kolonë të rinj të paligjshëm izraelitë janë të njohur për veprimet e tyre të dhunshme kundër palestinezëve dhe rolin e tyre në zgjerimin e vendbanimeve të paligjshme në të gjithë Bregun Perëndimor.
Dokumentari gjithashtu thellohet në strategjitë izraelite të zhvendosjes dhe vjedhjes së tokës, duke nënvizuar se si krijohen vendbanime të paligjshme dhe se si shtëpitë palestineze shkatërrohen sistematikisht. Këto mbështeten nga rrëfime të dorës së parë dhe filmime të rralla që sjellin në fokus realitetin e ashpër të jetës në territoret e pushtuara.
Me raportimin e tij të thellë dhe tregimin e papërpunuar, Holy Redemption pritet të ketë një ndikim të rëndësishëm në diskusin global që përkon konfliktin izraelito-palestinez.
Angazhimi i TRT-së për ekspozimin e këtyre historive përputhet me misionin e saj më të gjerë për të tërhequr vëmendjen ndaj vuajtjeve të popullit palestinez dhe për të sfiduar komunitetin ndërkombëtar për të ndërmarrë veprime./aa