Fotoreporterja fituese e çmimeve, Yalda Moaiery tha se "Istanbul Photo Awards" është një nga garat më të mira me rëndësi të madhe globale për gazetarët.
Moaiery, e cila fitoi çmimin e tretë në kategorinë e portreteve të historive në vitin 2024 në konkursin ndërkombëtar të fotografisë së lajmeve të organizuar nga Agjencia Anadolu (AA) tha: "Ky është konkurs shumë i rëndësishëm për të gjithë botën, veçanërisht për fotografët iranianë".
"Ky është një nga konkurset më të mira për fotoreporterët në Lindjen e Mesme", tha ajo.
Duke folur pas fitimit të konkursit për aventurën e saj si fotoreportere, i cili u mbajt për herë të 10-të, Moaiery tha se donte të pasqyronte "dhimbjen dhe pikëllimin e njerëzve" në botë përmes objektivit të saj.
Moaiery tha se u përpoq të tregonte histori me ndikim global për të treguar luftërat që po ndodhin në të gjithë botën.
"Historia ime ishte në fakt një histori lokale", tha Moaiery dhe shtoi se ajo gjeti një pjesë të historisë së shumë njerëzve në mbarë botën dhe kështu u kthye në një histori mbarëbotërore.
Moaiery shpjegoi se si një fotoreportere, ajo përpiqet të fokusohet në problemet me të cilat përballen gratë në mbarë botën në fotografitë e saj. "Ndoshta për shkak të gjinisë sime, dhimbja e tyre është dhimbja ime. Unë dua të tregoj problemet e tyre, problemet e tyre ndaj botës", thotë fotoreporterja Moaiery.
Duke nënvizuar se ajo nuk është e vetme në këtë drejtim, Moaiery shtoi se në të gjithë botën ka fotoreportere femra që "duan të tregojnë se sa probleme hasin gratë kudo".
Këtë vit, për "Istanbul Photo Awards", konkursin ndërkombëtar të fotografisë së lajmeve të organizuar nga AA u bënë më shumë se 20 mijë aplikime për foto dhe 32 fotografë fituan çmime në 10 kategori. Këtë vit, konkursi u organizua nën sponsorizimin e komunikimit të Turkcell, Sony mbështet konkursin si sponsor i çmimit, Agjencia Turke e Bashkëpunimit dhe Koordinimit (TIKA) si sponsor i ngjarjeve ndërkombëtare dhe Turkish Airlines (THY) si sponsor i linjës ajrore./aa
