U hodh shorti për apartamentet me kosto të ulët në qytetin e Matit, ku 25 familje matjane përfituan një banesë të re falë programit “Banesë me Kosto të Ulët” nëpërmjet Entit Kombëtar të Banesave, mbështetur nga Ministria e Ekonomisë, Kulturës dhe Inovacionit, në truall të ofruar nga Bashkia Mat.
Përfituese janë familjet e përzgjedhura nga Bashkia Mat, familje këto të cilat kanë plotësuar kushtet ligjore të ligjit nr. 22/2018 “Për strehimin social”.
Nga këto familje, 15 prej tyre do të akomodohen në apartamente 2+1, ndërsa 10 të tjera në apartamente 1+1.
Nga ky program përfituan:
5 familje me persona me aftësi të kufizuara;
3 nëna kryefamiljare;
2 familje me më shumë se 4 fëmijë;
12 çifte të reja;
3 familje të tjera në nevojë.
Shumë shpejt do dorëzohen dhe çelësat! Ndërkohë që vijon puna me Entin Kombëtar të Banesave në kuadër të Strehimit Social anë e mbanë vendit për t’i ardhur në ndihmë familjeve në nevojë! /Shqiptarja
